ДУШАНБЕ, 7 апр – Sputnik. Аз моҳи сентябри соли 2025 то моҳи феврали соли 2026 Қазоқистон содироти ғалларо ба кишварҳои мухталиф 14% кам кардааст.
Дар ин бора Бюрои милли омори Қазоқистон хабар додааст.
Бояд гуфт, ки Қазоқистон яке таъминкунандаи асосии ғалла ва орд дар Тоҷикистон аст.
Қазоқоистон содироти орду ғалларо ба Тоҷикистон давоми шаш моҳи ахир 7% кам кардааст.
Ба иттилои Бюрои милли омори Қазоқистон дар дар ин давра ба Тоҷикистон 735,8 ҳазор тонна ғалла содирот шуджааст, нисбат да ҳамин давраи соли гузашта 7% кам мебошад.
Ҳамчунин қайд карда шудааст, ки ба кишварҳои Осиёи Марказӣ - Ӯзбекистон, Тоҷикистон, Қирғизистон ва Туркманистон бештари содироти гандуми Қазоқистон рост меояд.
Ҳиссаи онҳо дар содироти умумӣ дар аз моҳи сентябри соли гузашта то моҳи феврали соли равон 76%- ро ташкил дод.
Дар ҳамин ҳол, мақомоти Қазоқистон хабар додааст, ки содироти орд ба Тоҷикистон ба маротиб афзоиш ёфтааст.
Қазоқистон дар ин давра содироти ордро ба Тоҷикистон 27% (5,7 ҳазор тонна) афзоиш додааст.