ДУШАНБЕ, 6 апр – Sputnik. Владимир Зеленский пас аз ҳамлаҳои Русия аз шарикони ғарбии худ кӯмак хост, иттилоъ додааст хабаргузории РИА “Новости” дар истинод ба Telegram канали ӯ.
"Дар як шаб, артиши Русия бо истифода аз паҳподҳо ба Одесса ҳамла карданд. Ба иншооти энергетикӣ дар минтақаҳои Чернигов, Сумӣ, Харков ва Днепр зарба заданд. Дар маҷмӯъ, дар як шаб беш аз 140 ҳавопаймои бесарнишин манотиқи гуногуни Украинаро ҳамла карданд", - изҳор дошт раҳбари режими Киев.
Зеленский инчунин бори дигар аз кишварҳои ғарбӣ барои кӯмак муроҷиат кард.
"Акнун ҳамаи шарикон бояд барои тақвияти падофанди ҳавоӣ якҷоя кор кунанд. <…> Ин кори ҳаррӯзаи ҳама аст, на танҳо кори Украина", - изҳор дошт вай.
Рӯзи якшанбе Вазорати дифоъ хабар дод, ки нерӯҳои Русия ба зерсохтори фурудгоҳҳои низомӣ, иншооти нигоҳдории маводи сӯхт ва энергетикии Украина, ки аз ҷониби артиши Украина истифода мешаванд ва ба маконҳои муваққатии ҷойгиркунии нерӯҳо ва зархаридони хориҷӣ дар 148 ноҳия зарба задаанд.
Дар посух ба ҳамлаҳои артиши Украина ба ҳадафҳои ғайринизомӣ, Нерӯҳои Мусаллаҳи Русия мунтазам ба маконҳое, ки дар онҳо сарбозон ва зархаридон ҷойгиранд, инчунин ба инфрасохтори Украина, ки барои саноатии низомӣ, аз ҷумла иншооти энергетикӣ, иншооти саноати дифоъ, иншооти фармондеҳӣ ва назорати низомӣ ва коммуникатсия истифода мешаванд, ҳамла мекунанд.
Сухангӯи Кремл Дмитрий Песков борҳо таъкид кардааст, ки артиш ба биноҳои истиқоматӣ ё муассисаҳои иҷтимоӣ ҳамла намекунад.