ДУШАНБЕ, 24 мар – Sputnik. Иттиҳоди иқтисодии АвруОсиё (ИИАО) барои тиҷорат расмиёти соддакардашудаи гумрукӣ таҳия мекунад.
Дар ин бора хадамоти матбуотии Комиссияи иқтисодии АвруОсиё (КИА) хабар дод.
Навовариҳои эҳтимолӣ барои операторони иқтисодии ваколатдор, ки дар ҷаласаи гурӯҳи кории дахлдор баррасӣ шудаанд, дар баробари дигар масъалаҳо, барои суръат бахшидан ба баровардани молҳо равона шудаанд.
Аъзои комиссия як қатор тадбирҳоро тасдиқ карданд, ки ба соҳибкорон имкон медиҳанд, ки равандҳои марбут ба фурӯш ва интиқоли минбаъдаи маҳсулотро содда кунанд, ки ин ба навбати худ ба коҳиш додани сарбории тиҷорат мусоидат мекунад.
Ғайр аз ин, дар ҷаласаи гурӯҳи корӣ тартиби соддакардашудаи эъломияи гумрукӣ, ки барои суръат бахшидан ба ҳаракати молҳо ва кам кардани хароҷот равона шудааст, баррасӣ гардид.
Ин тадбирҳо ба ширкатҳои дорои хавфи сатҳи паст, фоида хоҳанд овард; аз ҷумла, онҳо метавонанд маҳсулотро пас аз расидан ба нуқтаҳои гузаргоҳи мувофиқ бидуни пешниҳоди онҳо ба мақомоти гумруки дохилӣ интиқол диҳанд..
Иттиҳоди иқтисодии АвруОсиё созмони байналмилалии ҳамгироии иқтисодии минтақавӣ буда, дорои шахсияти ҳуқуқии байналмилалӣ буда, тибқи Шартнома дар бораи Иттиҳоди иқтисодии АвруОсиё таъсис ёфтааст.
Иттиҳод ҳаракати озоди молҳо, хизматрасонӣ, сармоя ва қувваи корӣ, инчунин татбиқи сиёсати ҳамоҳангшуда, мувофиқашуда ё муттаҳидшударо дар бахшҳои иқтисодӣ таъмин мекунад.
Аъзоёни Иттиҳоди иқтисодии АвруОсиё Русия, Арманистон, Беларус, Қазоқистон ва Қирғизистон мебошанд. Аз соли 2015 инҷониб, Тоҷикистон масъалаи пайвастан ба Иттиҳодро баррасӣ мекунад.