ДУШАНБЕ, 2 мар – Sputnik. Дар гузориши ахири Комиссияи иқтисодии АвруОсиё дар бораи вазъи макроиқтисодӣ дар кишварҳои Иттиҳодияи иқтисодии АвруОсиё (ИИАО) гуфта шудааст, ки дар солҳои 2026-2027 суръати миёнаи солонаи афзоиши иқтисодии тақрибан 2,5 фоиз пешбинӣ шудааст.
Дар гузориш рушди иҷтимоию иқтисодии кишварҳои узви Иттиҳоди иқтисодии АвруОсиё дар соли 2025 ҷамъбаст шудааст.
Дар гузориш қайд карда шудааст, ки дар давраи ҳисоботӣ афзоиши маҷмӯи маҳсулоти дохилӣ ба қайд гирифта шуд.
“Талаботи дохилӣ омили асосии ин афзоиш боқӣ монд. Динамикаи мусбат дар ҳамаи ҷузъҳои асосӣ мушоҳида шуд: истеъмолкунанда, сармоягузорӣ ва ҳукумат. Хароҷоти истеъмоли ниҳоии хонаводаҳо саҳми бузургтаринро гузоштанд, ки аз ҳисоби қарздиҳӣ ва афзоиши даромади воқеӣ, аз ҷумла музди меҳнат, дастгирӣ карда мешавад”, - гуфа шудааст дар гузориш.
Ҳуҷҷат инчунин тавсияҳоро барои таъмини рушди устувори иқтисодии кишварҳои узви Иттиҳоди иқтисодии АвруОсиё дар маҷмӯъ пешниҳод мекунад ва дурнаморо барои давраи то соли 2027 пешниҳод мекунад.
Ин тавсияҳо ба афзоиши иқтидори истеҳсолӣ ва ҳосилнокӣ, дастгирии ҳаракати қувваи корӣ дар дохили Иттиҳоди иқтисодии АвруОсиё, баланд бардоштани чандирии бозори меҳнат ва тақвияти робитаҳои молиявӣ ва тиҷоратӣ дар дохили ҷомеа нигаронида шудаанд.
Тибқи пешгӯиҳо, суръати миёнаи солонаи афзоиши иқтисодии тақрибан 2,5 фоиз дар солҳои 2026-2027 пешбинӣ шудааст, таъкид кард хадамоти матбуоти Комиссияи иқтисодии АвруОсиё.
Қайд карда шудааст, ки гузориш аз ҷониби Шӯрои Комиссияи иқтисодии АвруОсиё тасдиқ ва барои баррасӣ ба Шӯрои байниҳукуматии АвруОсиё пешниҳод шудааст.