ДУШАНБЕ, 27 янв — Sputnik.Қаҳрамони собиқи бокс ва вакили Думаи давлатӣ Николай Валуев ба РИА Новости тасдиқ кард, ки видеои шубҳанок, ки дар он ӯ гӯё Русияро дар муносибатҳояш бо кишварҳои собиқи Шӯравӣ истифода бурдани "қамчин ё қанд"-ро пешниҳод мекунад, қалбакӣ аст, ки бо истифода аз зеҳни сунъӣ сохта шудааст.
Қаблан, наворҳое дар шабакаҳои иҷтимоӣ паҳн шуда буданд,ки дар онҳо Валуев гӯё изҳор медорад, ки Русия бояд дар муносибатҳояш бо кишварҳои собиқи Шӯравӣ аз усули " қанд додан" бояд ба усули "қамчин" гузарад.
Шубҳаҳо дар бораи аслӣ будани видео фавран дар байни бисёре аз корбарон, аз ҷумла рақиби собиқи Валуев, қаҳрамони ҷаҳон оид ба бокс Руслан Чагаев аз Узбекистон, пайдо шуданд.
"Ин видео ба ман ҳеҷ иртиботе надорад. Оне ки технология ин қадар босуръат рушд мекунад, рӯҳбаландкунанда аст, аммо чунин наворҳо бо истифода аз зеҳни сунъӣ сохта шудаанд. Ман аксар вақт масъалаи зеҳни сунъӣ ва эҷоди чунин видеоҳои қалбакиро ба миён мегузорам. Эҳтимол, зеҳни сунъӣ нисбати ман кина пайдо кардааст", - иброз дошт Валуев ба оҷонсӣ.