ДУШАНБЕ, 7 янв - Sputnik. Дар доираи Иттиҳоди иқтисодии АвруОсиё хадамоти ҷустуҷӯи моликияти саноатӣ роҳандозӣ мешавад.
Лоиҳаи таъсиси онро президенти Беларус Александр Лукашенко тасдиқ кардааст.
Тибқи иттилои хадамоти матбуотии сарвари давлат, шартномаи байналмилалӣ тартиби таъсиси хидматро дар доираи Иттиҳоди иқтисодии АвруОсиё барои ҷустуҷӯи маълумот дар бораи моликияти саноатӣ муайян мекунад. Ин пеш аз ҳама ба тамғаҳои молӣ, нишонаҳои ҷуғрофӣ ва номҳои пайдоиши мол дахл дорад.
Қайд карда мешавад, ки ин система дар портали расмии ИИАО бо дастрасии ройгони ҷамъиятӣ кор хоҳад кард.
"Татбиқи ин ҳуҷҷат ҳифзи ҳуқуқи моликияти саноатиро тақвият медиҳад. Ҳукумати Беларус ваколатдор аст, ки лоиҳаи созишномаро музокира кунад ва онро имзо кунад", - афзуд хадамоти матбуот.