ДУШАНБЕ, 19 дек - Sputnik. Хабарнигори рӯзномаи "СССР"-и Тоҷикистон махсус барои пурсидани суол ба нишасти матбуотии раҳбари Русия рафт, аммо ӯ бо дасти холӣ нарафт - ӯ маҷмӯаи шеърҳои шоирони русро бо худ овард.
"Дар ин ҷо 126 шоири рус, Форс ва Тоҷикистонро ситоиш кардаанд", - шарҳ дод Шамсуддин Бобоев.
Рӯзноманигор инчунин пешниҳод кард, ки Путин дар Русия муҷассамаи шоир ва математик Умар Хайёмро гузорад ё ҳатто як марказеро барои ӯ таъсис диҳад.
Президенти Русия ба як рӯзноманигор аз Тоҷикистон ваъда дод, ки ин пешниҳодро баррасӣ мекунад.
"Ин пешниҳоди хуб аст, мо ҳатман дар ин бора фикр мекунем. Ташаккур, барои он ки дар чунин мавридҳо мегӯянд, сипос барои маслиҳат. Мо ҳатман дар ин бора фикр мекунем, ин дуруст аст", - гуфт ӯ.
Умари Хайём (1048 - 1131) шоир ва риёзидони форс буд.
Умари Хайём дар авохири асри 11, аниқтараш 18 майи соли 1048 дар шаҳри Нишопури устони имрӯзаи Хуросони Эрон ба дунё омада, аз классикони барҷастаи адабиёти тоҷику форс маҳсуб меёбад. Аммо дар хориҷ аз Эрон ва аз ҷумла дар Ғарб Умари Хайём аслан аз машҳуртарин шоирони шарқӣ шинохта шудааст.
Ӯ аз бузургтарин донишмандони замони худ дар риштаи нуҷумшиносӣ, риёзиёт ва илми фалсафа ба шумор мерафт.