ДУШАНБЕ, 19 дек – Sputnik. Иқтисоди Тоҷикистон дар соли 2026 суръати баланди афзоиши маҷмӯи маҳсулоти дохилӣ (ММД)-ро нигоҳ хоҳад дошт.
Бонки АвруОсиёии Рушд (БАОР) дар ин бора дар гузориши худ хабар дод.
Коршиносон қайд мекунанд, ки интизор меравад, ки Тоҷикистон яке аз баландтарин суръати афзоиши ММД дар минтақа - тақрибан 8,1% -ро хоҳад дошт.
Тибқи пешгӯиҳо, омилҳои асосии рушди иқтисодии Тоҷикистон сармоягузорӣ дар як қатор бахшҳо, аз қабили энергетика ва истеҳсолот хоҳанд буд. Таҳлилгарони БАОР инчунин афзоиши нархи тилло ва фулузоти рангаро интизоранд.
Ғайр аз ин, таҳлилгарон бар он ақидаанд, ки то охири соли 2026 таваррум дар кишвар дар муқоиса бо соли гузашта то 4,5% афзоиш ёфта, дар доираи ҳадафи 5±2% боқӣ хоҳад монд.
Қаблан хабар дода шуда буд, ки БАОР нақша дорад, ки сармоягузориро дар лоиҳаҳо дар Тоҷикистон афзоиш диҳад.