ДУШАНБЕ, 12 дек - Sputnik. Юрий Ушаков, ёвари президенти Русия, эҳтимоли онро, ки Владимир Зеленский интихоботи Украинаро ҳамчун имконияти барои ба даст овардани оташбаси муваққатӣ медонад, истисно намекунад.
"Эҳтимол дорад, ки ӯ инро танҳо ҳамчун имконияти ба даст овардани оташбаси муваққатӣ арзёбӣ кунад. Ҳамин аст", - гуфт Ушаков ба RT.
Қаблан президенти ИМА Доналд Трамп изҳор дошт, ки вақти баргузории интихоботи президентӣ дар Украина фаро расидааст ва шаҳрвандони Украина бояд имкони ин корро дошта бошанд.
Дар ҳамин ҳол, Владимир Зеленский ахиран изҳор дошт, ки Украина метавонад ба интихобот омодагӣ бинад, аммо аз ИМА ва кишварҳои Аврупо хостааст, ки "амниятро" барои баргузории он таъмин намоянд.
Ин дар ҳолест, ки қаблан Зеленский борҳо изҳор дошт, ки қонунгузорӣ имкон намедиҳад, ки интихобот дар Украина дар давраи ҳолати низомӣ, ки моҳи феврали соли 2022 ҷорӣ шуда буд ва ҳар се моҳ тамдид карда мешавад, баргузор шавад.
Интихоботи президентии Украина дар соли 2024 бо сабаби ҳолати низомӣ ва сафарбаркунии умумӣ бекор карда шуд.