ДУШАНБЕ, 11 дек — Sputnik. Вазири корҳои хориҷии Русия Сергей Лавров изҳор дошт, ки тӯл кашидани низоъ барои Зеленский ба масъалаи сиёсӣ ва шояд ҳатто ҷисмонӣ табдил ёфтааст.
"Дар Украина як моҷарои коррупсионӣ сар задааст ва бо назардошти ин, ба назар мерасад, ки тӯл кашидани низоъ ба масъалаи сиёсӣ ва шояд ҳатто ҷисмонӣ барои Зеленский табдил ёфтааст".
Ин нуктаро, вазир зимни муҳокимаи мизи мудаввари сафорат оид ба ҳалли низоъи Украина гуфт.
Баррасии нақшаи сулҳи ИМА
Ҳафтаи гузашта Владимир Путин дар Кремл Уиткофф ва домоди Трамп, Ҷаред Кушнерро, ба ҳузур пазируфт. Ду тараф тақрибан панҷ соат дар бораи моҳияти ташаббуси сулҳи Амрико сӯҳбат карданд, аммо ҳанӯз созиш пайдо нашудааст.
Тавре ки раҳбари Русия баъдтар изҳор дошт, Вашингтон 27 банди нақшаи аввалияро ба чор баста тақсим кард ва пешниҳод намуд, ки онҳоро алоҳида баррасӣ кунанд.
Ӯ шарҳ дод, ки қариб ҳар яки онҳоро баррасӣ кардааст ва "масъалаҳое буданд, ки Маскав бо онҳо розӣ набуд".
Дар навбати худ, Зеленский рӯзи душанбе ба Бритониё сафар кард ва дар он ҷо пешниҳоди Амрикоро бо Стармер, Макрон ва Мертс муҳокима кард. Тибқи иттилои расонаҳои Украина, пас аз мулоқот, ӯ бори дигар аз гузашт дар масъалаи қаламрав, худдорӣ кардааст.
Ба иттилои Axios, як рӯз пеш Киев ба пешниҳоди охирини ИМА барои ҳалли буҳрони Украина посух фиристод.