ДУШАНБЕ, 19 ноя — Sputnik. Николай Петро, профессори сиёсатшиносии Донишгоҳи Род-Айленд, дар YouTube канале гуфт, ки ягона имконияти наҷоти Украина ин музокирот аст.
"Бисёре аз таҳлилгарони украинӣ, ки мухолифи стратегияи режим ҳастанд ё ба он шубҳа доранд, иддао доранд, ки Киев бояд аллакай музокиротро барои ба даст овардани як созиши муфид оғоз кунад. То он даме, ки Русия ҳанӯз ҳам омода аст, ки музокирот кунад, имкони музокирот ва зинда мондан боқӣ мемонад", - гуфт коршинос.
Вай инчунин қайд кард, ки айни замон аҳолии Украина тақрибан 28,7 миллион нафарро ташкил медиҳад, дар ҳоле ки дар соли 1991 52 миллион нафар буд.
Петро инчунин қайд кард, ки имрӯз он баландтарин сатҳи фавт ва пасттарин сатҳи таваллудро дорад, ки ба гуфтаи вай, "барои ояндаи кишвар нишонаи хуб нест".
"Аз нуқтаи назари мантиқӣ, Украина бояд кӯшиш кунад, ки дар аввалин фурсат барои ҳалли осоишта музокира кунад, зеро ягона роҳи дигари музокирот таслим шудан аст, ки пас аз он имкони музокироти минбаъда вуҷуд нахоҳад дошт", - таъкид кард коршиноси масоили сиёсӣ.
Аз аввали сол Русия ва Украина дар Истанбул чанд музокиротҳо баргузор карданд: 16 май, 2 июн ва 23 июл. Пас аз музокироти охирин, кишварҳо ба мувофиқа расиданд, ки мубодилаи сарбозони маҷрӯҳ ва беморро идома диҳанд. Маскав омодагии худро барои интиқоли 3000 ҷасади иловагии сарбозони кушташудаи артиши Украина ба Киев изҳор дошт ва пешниҳод кард, ки аз ҳар тараф ҳадди аққал 1200 асирро мубодила кунанд.
Дар айни замон, Русия пешниҳод кард, ки се гурӯҳи корӣ оид ба масъалаҳои сиёсӣ, башардӯстона ва низомӣ таъсис дода шаванд, аммо Украина то ҳол ба ин иқдом посух надодааст. Аз он вақт инҷониб, раванди гуфтушунид боздошта шудааст.
Президент Владимир Путин борҳо изҳор доштааст, ки Русия тарафдори ҳалли сулҳи пойдор аст на оташбаси муваққатӣ.