ДУШАНБЕ, 22 окт — Sputnik. Русия борҳо мавқеъи худро дар мавриди ҳалли буҳрони Украина баён кардааст ва унсурҳои он ба ҳама маълум аст; онҳо аз ҷониби президенти Русия Владимир Путин таҳия шудааст.
Дар ин бора, котиби матбуотии президенти Русия Дмитрий Песков гуфт.
"Русия борҳо ин корро кардааст (бо баёни мавқеъи худ дар масъалаи Украина – шарҳ аз идора.). Унсурҳои мавқеъи мо ба ҳама маълум аст. Онҳоро президенти мо хеле возеҳ баён кардааст; ба ҳама маълум аст", - гуфт Дмитрий Песков.
Ёдрас мешавем, ки Русия оғоз аз 24-уми феврали соли 2022 дар Украина амалиёти вижаи низомӣ мебарад.
Владимир Путин, президенти Русия, рисолати худро "ҳифозати одамоне, ки тӯли ҳашт сол аз сӯи режими Киев мавриди таҳқир ва наслкушӣ қарор гирифтаанд" тавсиф кард.
Ба гуфтаи вай, ҳадафи ниҳоии амалиёти вижаи низомӣ озодсозии Донбасс ва фароҳам овардани шароитест, ки амнияти худи Русияро кафолат медиҳад.
Кишварҳои ғарбӣ даст доштан дар даргириҳои Украинаро расман рад мекунанд, вале ба таъмини нирӯҳои мусаллаҳи Украина бо силоҳ идома медиҳанд. Вазири корҳои хориҷии Русия Сергей Лавров қайд кард, ки ҳама гуна интиқоли аслиҳа ба Украина ҳадафи қонунии Русия хоҳад буд.
Вазорати хориҷаи Русия изҳор дошт, ки кишварҳои НАТО бо интиқоли силоҳ ба Украина "бо оташ бозӣ мекунанд". Дар ҳамин ҳол, Маскав борҳо омодагии худро барои оғози музокирот дар бораи ҳалли низоъ изҳор доштааст, аммо Киев барои музокирот мамнӯъияти қонунӣ ҷорӣ кардааст.