ДУШАНБЕ, 22 окт — Sputnik. Давоми 20 рӯз, нақшаи даъвати тирамоҳӣ дар Тоҷикистон 86% иҷро гардидааст.
Дар ин бора, Вазорати дифои Тоҷикистон хабар додааст.
Ҳамин тавр, 40 шаҳру ноҳияи ҷумҳурӣ нақшаи пешбинигардидаро пурра иҷро намуданд, афзудааст манбаъ.
Ҳамин тавр, чун ҳамешагӣ Вилояти Мухтори Кӯҳистони Бадахшон нақшаро дар рӯзи аввали даъват пурра иҷро намуд:
ВМКБ - 101,2%,
Суғд 73%,
Хатлон 97%,
НТМ - 80%,
Душанбе 87%.
Қобили зикр аст, ки даъвату гусели шаҳрвандон ба артиш дар асоси фармони президент "Дар бораи ба эҳтиёт рухсат додани хизматчиёни ҳарбие, ки муҳлати муқарраргардидаи хизмати ҳарбиро адо намудаанд ва даъвати навбатии шаҳрвандони солҳои таваллуди 1998-2007 ба хизмати ҳарбӣ” ташкилу ба роҳ монда шудааст.
Феълан дар комиссариатҳои ҳарбии вилоятҳо ва шаҳру ноҳияҳои мамлакат, комиссияҳои давлатии даъват таъсис дода шудаанд, ки давоми моҳҳои октябр ва ноябр даъвату гусели шаҳрвандонро ба хизмати ҳатмии ҳарбӣ ташкил менамоянд.
Бояд гуфт, ҳамасола дар Тоҷикистон шаҳрвандони ҷинси марди аз 18 то 27-сола дар ду мавсим, аз ҷумла моҳҳои апрел-май ва октябр-ноябр ба хизмати ҳатмии ҳарбӣ даъват карда мешаванд.