ДУШАНБЕ, 20 окт — Sputnik. Волии вилоят Брянск Александр Богомаз дар мусоҳиба бо РИА “Новости” гуфт, нерӯҳои мусаллаҳи Украина тайи як соли ахир шилики мушакӯ тӯп ва зарбаҳои паҳподии худро ба манотиқӣ Брянск се маротиба афзоиш додаанд.
"Ва мо мушакҳоро нобуд мекунем. Як чизро бояд бигӯям: агар имсол назар кунем, шилики мушаку тӯп се маротиба афзоиш ёфтааст. Ин нисбат ба ҳамаи солҳои қаблӣ бештар аст", - гуфт Богомаз.
Амалиёти вижа дар Украина
Русия оғоз аз 24-уми феврали соли 2022 дар Украина амалиёти вижаи низомӣ мебарад. Владимир Путин, президенти Русия, рисолати худро "ҳифозати одамоне, ки тӯли ҳашт сол аз сӯи режими Киев мавриди таҳқир ва наслкушӣ қарор гирифтаанд" тавсиф кард.
Ба гуфтаи вай, ҳадафи ниҳоии амалиёти вижаи низомӣ озодсозии Донбасс ва фароҳам овардани шароитест, ки амнияти худи Русияро кафолат медиҳад.
Кишварҳои ғарбӣ даст доштан дар даргириҳои Украинаро расман рад мекунанд, вале ба таъмини нирӯҳои мусаллаҳи Украина бо силоҳ идома медиҳанд. Вазири корҳои хориҷии Русия Сергей Лавров қайд кард, ки ҳама гуна интиқоли аслиҳа ба Украина ҳадафи қонунии Русия хоҳад буд.
Вазорати хориҷаи Русия изҳор дошт, ки кишварҳои НАТО бо интиқоли силоҳ ба Украина "бо оташ бозӣ мекунанд". Дар ҳамин ҳол, Маскав борҳо омодагии худро барои оғози музокирот дар бораи ҳалли низоъ изҳор доштааст, аммо Киев барои музокирот мамнӯъияти қонунӣ ҷорӣ кардааст.