ДУШАНБЕ, 14 окт — Sputnik. Ба гуфтаи Матвей Бедний, вазири ҷавонон ва варзиши ин Украина, аз соли 2022 тақрибан 1,7 миллион ҷавон Украинаро тарк кардаанд.
Дар охири моҳи сентябр як вакили Верховная Рада, ки ҳоло бо иттиҳоми хиёнат ба ватан дар боздоштгоҳи муваққатии Украина мебошад, изҳор дошт, ки дар давоми камтар аз як моҳ 40 ҳазор ҷавони 18-22 сола Украинаро тарк кардаанд.
"1 миллиону 700 ҳазор ҷавонон Украинаро тарк карданд. Аксари онҳо дар хориҷа таҳсил мекарданд ва натавонистанд ба ватан баргарданд", - гуфт Бедний дар мусоҳиба бо хабаргузории РБК-Украина.
Раиси Идораи сиёсати муҳоҷирати Украина Василий Воскобойник қаблан гуфта буд, ки тақрибан 90% ҷавононе, ки Украинаро тарк карда ба хоириҷа рафтаанд, имкон дорад дубора баргарданд.
Дар авохири моҳи август Девони вазирони Украина барои ҳамаи мардони аз 18 то 22 сола сафар ба хориҷа иҷоза дод.
Баъдан расонаҳои украинӣ гузориш доданд, ки ҷавонон ба таври оммавӣ Украинаро тарк мекунанд ва наворҳои фирор дар шабакаҳои иҷтимоии Украина пур шудааст.
Қаблан мардони синнашон аз 18 то 60-сола намтавонистанд аз Украина дар замони вазъияти низомӣ берун раванд. Саркашӣ аз хизмати ҳарбӣ ҳангоми сафарбаркунӣ ҷиноят ҳисобида мешавад ва шахс метавонад то 5 сол аз озоди маҳрум шавад.