ДУШАНБЕ, 8 окт — Sputnik. Ҳаҷми умумии колои қалбакӣ дар кишварҳои узви Иттиҳоди иқтисодии АвруОсиё дар панҷ соли охир ба 53 миллион адад расидааст.
Дар ин бора, узви ҳайати мушовараи иқтисод ва сиёсати молии Комиссияи иқтисодии АвруОсиё Бахит Султонов хабар додааст.
"Дар тӯли панҷ соли охир - аз соли 2020 то соли 2024 - ҳаҷми умумии моли қалбакии ошкоршуда дар ҳамаи кишварҳои узви ИИАО 53 млн ададро ташкил дод", - гуфт ӯ дар Форуми байналмилалии мубориза бо молҳои қалбакӣ дар Минск.
Ба гуфтаи ӯ, дар соли 2024 шумораи бештари қонуншиканиҳо ба либосу пойафзол, техникаи маишӣ ва электроника, бозичаҳо, маҳсулоти галантерея, лавозимот, қисмҳои нақлиёт, инчунин маҳсулоти атриёт ва косметика рост меояд.
"Рақамҳои ИИАО умуман тамоюлҳои ҷаҳонии паҳншавии моли қалбакиро инъикос мекунанд", - қайд кард ӯ.
Форуми мазкур, рӯзҳои 6-7 октябр баргузор шуд. Дар ҷаласа намояндагони ниҳодҳои марбутаи кишварҳои узви Иттиҳоди иқтисодии Авруосиё ширкат доранд.
Ҷонибҳо муборизаи зидди муомилоти ғайриқонунии маҳсулоти саноат ва ҳифзи ҳуқуқи моликияти зеҳниро дар дохили иттиҳодия муҳокима мекунанд.