ДУШАНБЕ, 7 окт — Sputnik. Иктисодиёти Точикистон бо суръат рушд дорад.
Дар ин бора дар шарҳи ҳарҳафтаинаи макроиқтисодии Бонки Рушди АвруОсиё гуфта шудааст.
Тибқи гузориш, дар моҳҳои январ-августи соли 2025 тавлидоти саноатӣ дар кишвар 23,5% афзоиш ёфтааст.
Таҳлилгарони БАОР инчунин бахшҳои калидиро муайян карданд, ки афзоиши бештарро нишон додаанд.
Саноати истихроҷ суръати баландтарини афзоишро нишон дод, ки нисбат ба соли гузашта 70% афзоиш ёфтааст.
Сипас соҳаи Энергетика (нисбат ба як сол 11% зиёд) меравад. Истеҳсолот низ афзоиш нишон додааст. Нисбат ба як соли гузашта 6,1% афзоиш ёфтааст.
Коршиносони бонк таъкид мекунанд, ки ин афзоиш аз ҳисоби ҳам талаботи дохилӣ ва берунӣ таъмин гардидааст.
Таҳлили макроиқтисодӣ нишон медиҳад, ки ҳаҷми фурӯши чакана 12,1% ва сармоягузорӣ 20,9% афзуда, талаботи дохилиро таъмин намудааст.
Ҳамчунин нишондиҳандаҳои содирот низ афзоиш ёфтааст ва дар муқоиса ба соли гузашта 29,3%.
БАОР қаблан омилҳои ҷилавгирӣ аз таваррум дар Тоҷикистонро муайян карда буд.
Бар асоси гузориш, ин омилҳо нархи мӯътадили колоҳои воридотӣ, пеш аз ҳама неруи барқ ва суботи пули миллӣ будааст.