ДУШАНБЕ, 6 окт — Sputnik. Артиши Русия ба иншооти энергетикӣ, ки нерӯҳои мусаллаҳи Украинаро таъмин мекунанд, зарба заданд, хабар медиҳад вазорати дифоъ.
"Арттиш ба зерсохтори энергетикӣ ва саноати нафтӣ, анборҳои сӯзишворӣ, ки нерӯҳои мусаллаҳи Украинаро истифода мекунанд, маконҳои нигаҳдорӣ ва партоби паҳподҳо, инчунин ҷойҳои ҷойгиркунии муваққатии сарбозони украинӣ ва зархаридони хориҷӣ дар 145 манотиқ зарба заданд", - омадааст дар гузориши вазорат.
Дар зарбахо авиацияи тактикӣ, ҳавопаймоҳои ҷангӣ, нерӯҳои мушакандоз ва тӯпхонаӣ ширкат намудааст.
Дар ҳамин ҳол, собик афсари иктишофии ИМА Скотт Риттер баъд аз зарбаҳои шадиди Русия ба зерсохторҳои энергетикии ин кишвар гуфт, Русия низоъро дар Украина бо шартҳои худ хотима медиҳад.
"Русия ба таври ҷиддӣ тасмим гирифтааст, ки муноқишаро бо шартҳои қобили қобили қабули худ анҷом диҳад ва ин маънои онро дорад, ки Русия ва танҳо Русия натиҷаи ин муноқишаро муайян мекунанд", - гуфт ӯ.
Ин афсари мустаъфӣ ҳамчунин таъкид кард, ки Маскав ҳадаф надорад, ки Киевро аз як кишвари саноатии муосир маҳрум кунад.
Риттер таъкид кард, ки ҳама зарбаҳо танҳо ба ҳадафҳои низомӣ, барои аз байн бурдани таҳдидҳо ба қаламрави Русия сурат мегиранд.
"Ва дар замин ҳанӯз ҳам Русия бартарӣ дорад. Фикр мекунам, ки дигарон низ инро мисли ман дарк мекунанд. Ин воқеан хеле содда аст", - хулоса кард ӯ.