ДУШАНБЕ, 30 сен— Sputnik.Бино ба иттилои Комиссияи иқтисодии АвруОсиё (КИАО) содироти мол аз кишварҳои узви Иттиҳодияи иқтисодии АвруОсиё ба АМА дар панҷ соли охир 4,6 баробар афзоиш ёфта, ба 12,4 миллиард доллар расид.
Тибқи иттилои КИАО воридоти мол аз АМА ба кишварҳои ИИАО дар ин давра 67% афзуда, ба 661 миллион доллар расид. Дар соли 2024 тиҷорати мутақбил бештар аз 16 миллиард долларро ташкил дода буд.
Раиси Комиссияи иқтисодии АвруОсиё Бакитҷон Сагинтаев таъкид кард, ки имзои созишномаи шарикии иқтисодӣ, ки дар моҳи июни соли 2025 ба имзо расид, натиҷаи муҳими амиқсозии ҳамкорӣ мебошад.
"Созишномаҳои ҳосилшуда имкон дод, ки ҳамкориҳо мо ба сатҳи сифатан нав бароянд. Мо омодаем, ки бо Амороти Муттаҳидаи Араб муколамаи бунёдӣ ва системавиро ба роҳ монем", - қайд кард ӯ.
Созишнома 27 июни соли 2025 дар ҳошияи Шӯрои олии иқтисодии Авруосиё дар Минск ба имзо расид. Ҳоло барои эътибор пайдо кардани он корҳо идома дорад.
Тибқи низоми нави тиҷорат, Имороти Муттаҳидаи Араб ба 86% молҳои тиҷорӣ дастрасии имтиёзнок додааст, дар ҳоле ки кишварҳои ИИАО барои шарикони худ аз АМА ба 85% молҳои имтиёзҳо пешниҳод кардааст.