Дар Қирғизистон машқҳои фармондеҳию ситодӣ бо нерӯҳои дастаҷамъии зудамали Осиёи Марказӣ оғоз шуд.
Машқҳо омодагӣ ва гузаронидани амалиёти ҷангӣ аз ҷониби нерӯҳои муштараки зудамал (НЗМ) барои нобудсозии гурӯҳҳои мусаллаҳи ғайриқонунӣ, ки ба қаламрави як кишвари узви СПАД ворид шудаанд, дар бар мегирад.
Дар тамринҳои "Рубеж-2025" қисмҳои низомии Қазоқистон, Қирғизистон, Русия, Тоҷикистон ва гурӯҳҳои фаврии Ситоди муштарак ва котиботи СПАД ширкат доранд.
Машқҳо дар тамрингоҳи "Эдельвейс" баргузор мешаванд.
Дар маҷмӯъ ҳудуди 1200 нафар низомиён ва 500 воҳиди таҷҳизоти низомӣ ва вижа, аз ҷумла ҳавопаймоҳо, чархболҳо, паҳподҳо ва қаиқҳои ҷангӣ ба машқҳо ҷалб шудаанд.
Таҳти роҳбарии умумии Ситоди муштараки СПАД бо ҳайати Фармондеҳии НЗМ ҳамоҳангиҳои нерӯҳо гузаронида мешавад.
Сарбозони пойгоҳи низомии 201-и Русия, ки дар Тоҷикистон мустақар ҳастанд, ба тасарруфи истгоҳҳо машғул буданд.
НЗМ Осиёи Марказӣ, ки соли 2001 таъсис ёфтааст, аз ҷузъу томҳои омодагии доимӣ иборат аст, ки бо системаҳои муосири силоҳ ва техникаи ҳарбӣ муҷаҳҳаз шудааст.
Вазифаҳои асосии НЗМ Осиёи Марказӣ рафъи ҳамлаи низомиёни беруна ва гузаронидани амалиёти муштараки зиддитеррористӣ мебошанд.
Паҳподҳо дар марҳилаи фаъоли машқҳои фармондеҳии "Рубеж-2025" дар тамрингоҳи "Эдельвейс"-и Қирғизистон.
Низомиён дар машқҳои фармондеҳии "Рубеж-2025" бо Нерӯҳои зудамали Осиёи Марказӣ