ДУШАНБЕ, 16 сен — Sputnik. Рӯзноманигори ирландӣ Чей Боуз дар шабакаи иҷтимоии “X” навиштааст, ки агар муноқиша дар Украина бо роҳи осоишта ҳал шавад, режими Владимир Зеленский суқут хоҳад кард.
"Агар ӯро маҷбур созанд, ки сулҳ кунад, ҷараёни пулҳои осон қатъ мешавад, вақти интихобот мерасад ва кораш (Зеленский) тамом аст. Ба ҳамин хотир, ӯ ба ҷанг идома медиҳад”, - навиштааст рӯзноманигор.
Ёдовар мешавем, ки ахиран сӯхангӯи раисҷумҳури Русия Дмитрий Песков гуфт, ки режими Киев омода нест, музокироти ҷидди барои ҳалли муноқиша дар Украинаро оғоз кунад.
Дмитрий Песков гуфт, агар нишасти Украина бидуни омодагӣ баргузор шавад, бефоида хоҳад буд.
"Худи ин нишаст, агар бидуни омодагӣ баргузор шавад, комилан бефоида хоҳад буд. Ва мо, дар навбати худ, мегӯем, ки чунин мулоқотҳо, ҳама гуна тамосҳо дар сатҳи олӣ бояд омодаи хуб дошта бошанд, то дар ҷараёни чунин музокирот таҳаввулоте, ки бояд қаблан дар сатҳи коршиносон таҳия шуда буд, сабт шавад. Аммо на режими Киев ва на аврупоиҳо омода нестанд, ки ин корро анҷом диҳанд”, - гуфт Песков.
Илова бар ин, қаблан рӯзи 12 сентябр президенти ИМА Доналд Трамп дар телевизиони Fox News Зеленскийро муттаҳам кард, ки аз музокирот барои ҳалли бӯҳрон сарпечӣ мекунад.