ДУШАНБЕ, 2 сен — Sputnik. Табодули коло миёни кишварҳои Иттиҳодияи иқтисодии АвруОсиё (ИИАО) ва Иттиҳодияи кишварҳои ҷанубу шарқи Осиё (АСЕАН) 21,8% афзоиш ёфт.
Дар ин бора раиси Шӯрои Комиссияи иқтисодии АвруОсиё Бакитҷон Сагинтаев дар мулоқот бо Дабири кулли Ассотсиатсияи кишварҳои Осиёи Ҷанубу Шарқӣ (АСЕАН) Као Ким Хорн хабар дод.
Ин мулоқот дар ҳошияи ҷаласаи “СҲШ +” дар Тянҷзини Чин баргузор шуд.
"Табодули коло байни кишварҳои ИИАО ва АСЕАН дар соли 2024 нисбат ба соли 2018 21,8% афзуда, ба 27,2 млрд доллар расид", - таъкид кард раиси Раёсати КИАО.
Ҷонибҳо лоиҳаи барномаи ҳамкориҳои Иттиҳодияи иқтисодии АвруОсиё ва АСЕАН-ро барои солҳои 2026-2030 баррасӣ карданд.
Ба муколама дар мавзӯи рушди устувор, рақамикунонӣ, инноватсия ва пешрафти технологӣ таваҷҷӯҳи хос зоҳир карда мешавад.
Дар мулоқот барои давраи миёнамӯҳлат ба ИИАО додани мақоми шарики муколамаи АСЕАН баррасӣ шуд.
"ИИАО дурнамои гузаштан ба сатҳи сифатан нави шарикӣ бо АСЕАН-ро мебинад. Дар робита ба ин мо пешниҳод мекунем, ки ба муносибатҳои худ дар чаҳорчӯби механизмҳои мавҷудаи АСЕАН мақоми нав дода шавад. Ин ҳадаф аз ҷониби тамоми кишварҳои узви "панҷгонаи" Авруосиё якдилона дастгирӣ ёфт ва дар ҳуҷҷатҳои калидии стратегии мо қайд карда шудааст", — гуфт Сагинтаев