ДУШАНБЕ, 13 авг — Sputnik. Кишварҳои узви Иттиҳоди иқтисодии АвруОсиё маводи сӯхтро бо нархи нисбатан арзонтар дастрас мекунанд.
Дар ин бора, раиси Палатаи савдо ва саноат Темир Сариев, дар конфронси “10 соли Қирғизистон дар ИИАО: натиҷаҳо, чолиш ва дурнамо” гуфт.
Ба гуфтаи ӯ, агар Қирғизистон ба ИИАО дохил намешуд, нархи бензин 100 сом (91,4 рубл) буд.
Дар ҳоли ҳозир як литр бензин дар Қирғизистон 69-75 сом (63-68,5 рубл) арзиш дорад.
"Ман намедонам, ки агар мо ба ин иттиҳод шомил намебудем, имрӯз мо дар кадом мавқеъ мемондем, зеро мо қариб 100% дар мавриди сӯзишворӣ ва равғани молиданӣ аз Русия вобаста ҳастем", - қайд кард ӯ.
Манбаъ афзуд, ки "ба мо имкони воридоту содироти молро бидуни боҷ фароҳам меорад".
Ёдовар мешавем, ки Иттиҳоди иқтисодии Авруосиё (ИИАО) - созмонест, ки дар он Русия нақши барҷаста дорад ва ин созмон Қазоқистон, Қирғизистон, Белорус, Арманистон ва Русияро муттаҳид месозад.