ДУШАНБЕ, 13 авг — Sputnik. Дар қалъаи “Бибихонум”-и шаҳри Бохтар ду сиккаи давраи Темуриён ва кӯзаҳои шикаста ва сафолӣ ёфт шуданд.
Дар ин бора, муовини директори Агентии ҳифзи мероси таърихию фарҳангии назди Ҳукумати Ҷумҳурии Тоҷикистон Аҳлиддин Саиднуриддинзода хабар додааст.
© Sputnik
Гуфта мешавад, ки ковишҳои археологӣ дар макони таърихӣ аз ҷониби мутахассисони Агентии ҳифзи мероси таърихию фарҳангии назди Ҳукумати Ҷумҳурии Тоҷикистон ковишҳои бостоншиносӣ оғоз шуд.
"Зимни ковишҳои бостоншиносӣ ду сиккаи мисӣ ёфт шуд, ки яке марбут ба давраи Темуриён, асрҳои XV-XVI ва дигарӣ мутааллиқ ба давраи Манғития, асрҳои XVI- XVII мебошад", - омадааст дар хабарнома.
© Sputnik
Ҳамчунин, дар паи ковишҳо аз ҷониби бостоншиносон кӯзаҳои шикаста ва сафолӣ ёфт гардидааст.
© Sputnik
Корҳои илмӣ-таҳқиқотӣ 12 август оғоз гардида, то 17 августи соли ҷорӣ идома меёбанд.