ДУШАНБЕ, 7 авг — Sputnik. Давоми шаш моҳи аввали соли равон, тавассути ҳама намудҳои нақлиёт 66687,8 ҳаз. тонна бор кашонида шудааст.
Ин нишондод нисбат ба ҳамин давраи соли гузашта, 9,3% афзоиш ёфтааст, гузориш дод Агентии омори Тоҷикистон дар нишасти хабарӣ.
Бино ба додаҳои омор, дар ин давра, бо нақлиёти автомобилии ҳамаи вазорату идораҳо ва инчунин бо нақлиёти автомобилии шахсони воқеӣ, ки ба боркашонии тиҷоратӣ машғуланд, 63058,6 ҳаз. тонна бор кашонида шуд, ки 94,6%-и ҳаҷми умумии боркашонии ҳамаи намуди нақлиётро ташкил медиҳад.
Ҳамин тавр, ҳаҷми боркашонӣ нисбат ба моҳҳои январ – июн соли 2024 - 9,2% зиѐд шудааст.
Давоми ним соли 2025 бо нақлиёти роҳи оҳан (бо назардошти молборкунӣ, молфарорӣ ва интиқоли борҳои транзитї) 3628,6 ҳаз. тонна бор кашонида шудааст, ки нисбат ба моҳҳои январ - июни соли 2024-ум -12,4 % зиѐд шудааст.
Ин дар ҳолест, ки ахиран вазири нақлиёти Тоҷикистон ба зарурати таъсиси Платформаи ягонаи рақамии СҲШ барои идоракунии ҳамлу нақли мултимодалӣ пешниҳод кард.
Ба ақидаи ӯ, робитаи нақлиётии байни кишварҳои узви Созмони ҳамкории Шанхай ба яке аз омилҳои асосии рушди устувори иқтисодӣ ва амнияти озуқаворӣ табдил меёбад.