ДУШАНБЕ, 27 мая — Sputnik. Бори нахуст имрӯз дар Тоҷикистон ду озмоишгоҳи бонуфуз, Озмоишгоҳи низоми иттилоотии пиряхҳо ва Озмоишгоҳи сифати об, санитария ва изотопҳои Маркази омӯзиши пиряхҳои Академия миллии илмҳо дар заминаи Маркази омӯзишии пиряхҳои Академия миллии илмҳои кишвар таъсис дода шуд.
Дар ин бора Академия миллии илмҳои Тоҷикистон хабар додааст.
Қайд карда шудааст, ки озмоишгоҳҳои мазкур, ки бо ташаббуси Академияи миллии илмҳои Тоҷикистон таъсис ёфтааст расман ба фаъолият оғоз намуд.
Ба иттилои Академияи улуми Тоҷикистон Озмоишгоҳи низоми миллии иттилоотии пиряхҳои Тоҷикистон бо истифода аз аксҳои моҳворагии сифати баланд ва дақиқияти болои пиряхҳоро таҳқиқ намуда, масоҳати онҳоро дар давраи интихобшуда барои ҳар як ҳавзаи пиряхӣ муайян менамояд.
Ҳамчунин гуфта шуд, ки дар озмоишгоҳи мазкур равандҳои динамикаи пиряхҳои набзонии Тоҷикистон ва кулҳои пиряхӣ таҳқиқ шуда, моделронии ташаккулёбӣ ва таназулёбии пиряхҳо муаян карда мешаванд.
Қайд карда шудааст, ки фаъоляти озмоишгоҳҳо қадами нахустин дар роҳи ташкил намудани Низоми миллии иттилоотии пиряҳои Тоҷикистон маҳсуб мегардад, ки пас аз таҳияи комил он дар раванди истеҳсолот татбик гардида, идоракунии минбаъдаи он ба ихтиёри мақоми ваколатдори давлатӣ дар соҳаи омӯзиш ва ҳифзи пиряхҳо дастрас мегардад.