ДУШАНБЕ, 25 мар — Sputnik. Хабарнигори низомии рӯзномаи "Известия" Александр Федорчак, наворбардори телевизиони "Звезда" Андрей Панов ва ронандаи гурӯҳи навор Александр Сиркелӣ дар минтақаи амалиёти вижа дар Ҷумҳурии Мардумии Луганск кушта шуданд.
Илова бар ин, хабарнигори "Звезда" Никита Голдин, ки дар мошин бо ҳамкорони худ буд, захмӣшудааст.
Дар ин бора нашрияҳо хабар медиҳанд.
Маълум аст, ки нерӯҳои мусаллаҳи Украина бо ду мушаки HIMARS ба мошини ғайринизомӣ, ки дар он хабарнигорон буданд зарбаи ҳадафмандона анҷом додаанд. Мушаххас мешавад, ки дар миёни қурбониён ба ҷуз хабарнигорон ғайринизомиён, аз ҷумла як ноболиғ низ ҳузур дошт.
Худи хамон руз мухбири ТАСС Михаил Скуратов дар минтақаи Суҷаи вилояти Курск захмбардоштааст.
Вазорати хориҷаи Русия ҳамла ба рӯзноманигоронро шадидан маҳкум кард.
"Режими Киев на танҳо терроризмро алайҳи мардуми осоишта медонад ва ба иншооти энергетикии Русияро ҳамла карда, тавре мо борҳо таъкид карда будем, низоми оташбасро риоя намекунад. Бори дигар онҳо ба намояндагони ВАО-и Русия зарба заданд, ки вазифаи касбии худро иҷро мекарданд, ва вазъ "дар замин"-ро бе силоҳ нишон медоданд.
Вай қайд кард, ки шумораи ҳамлаҳои террористӣ ба Қувваҳои Мусаллаҳи Русия дар майдони ҷанг ҳеҷ гуна хисорот расонида наметавонад.
Хонум Захарова ба хешу таборони кушташудагон, ва аҳли эҷодӣ ва ба ҳамкорони онҳо ҳамдардӣ баён карда, ба осебдидагон ҳарчи зудтар шифо ёфтанро орзу намуд.
Оператор телеканала "Звезда" Андрей Панов и водитель съемочной группы Александр Сиркели
© Foto / Телеканал "Звезда"
Тавре раиси ҶМЛ Леонид Пасечник изхор намуд, тирпарронй дар минтақаи Кременскии Ҷумҳурӣ сурат гирифт. Дар ин ҳодиса шаш нафар, аз ҷумла се корманди расонаҳои федералӣ ба ҳалокат расиданд.
Кумитаи тафтишоти Русия дар робита ба марги хабарнигорон парвандаи ҷиноӣ боз кардааст.
Дипломатҳои Русия дар нишасти навбатии марбут ба Украина дар Шӯрои Амнияти Созмони Милал мавзӯъи кушта ва захмӣ шудани хабарнигорони нашрияҳои Русия дар пайи ҳамлаҳои нерӯҳои мусаллаҳи Украинаро матраҳ хоҳанд кард.