Исроил ҳамалот Навори Ғаззаро азсар гирифт.
Исроил баъд аз як муддат боз ҳамлаҳои шадидашро ба маҳали сокинони Ғазза аз сар гирифт.
Тибқи гузориши вазорати беҳдошти Ғазза тайи ҳамалоти ҷадиди режими саҳюнистӣ ба Ғазза беш аз 412 нафар шаҳид ва беш аз 500 нафар захмӣ шуданд.
Тибқи гузоришҳои аввалия, аксари шуҳадо ва маҷрӯҳонро кӯдакону занон ташкил медиҳанд.
Мавҷи ҷадиди ҳамалоти артиши Исроил ба манотиқи мухталифи Ғазза идома дорад.
Исроил ҳамалоти худ алайҳи Навори Ғаззаро азсар гирифт ва ба оташбасе, ки дар 19 январ бо миёнҷигарии Миср, Қатару Амрико шурӯ шуда буд, поён дод.
Узви бюрои сиёсии Ҳамос Бассем Наим ба РИА Новости гуфтааст, ки Исроил созишномаи оташбасро дар Навори Ғазза садҳо маротиба нақз кардаанд.
Ба гуфтаи мақомоти Фаластин ҳадафи ҳамалоти шадид манозили маскӯнӣ, мадорис, марокизи оворагону чодари маҳали искони онон дар Ғазза будааст.
Нетаняҳу гуфт, ҳамлаҳо идома доранд, зеро Ҳамос аз қабули тарҳи Амрико барои тамдиди оташбас ва раҳоии гаравгонҳо сарпечӣ кард.
Узви Бюрои сиёсии Ҳамос Фаластин Иззат ал-Ришк гуфт, тасмими Нетаняҳу барои бозгашт ба ҷанг маънои ҳукми эъдом барои гаравгонони исроилӣ дар навори Ғазза аст.