ДУШАНБЕ, 5 фев – Sputnik. Андозсупорандагон мехостанд бо роҳҳои фиреб пардохти беш аз 160 млн сомонӣ маблағи андозро сарфи назар кунанд, вале пинҳонкории онҳо собит шудааст.
Дар ин бора Абдуқайюм Воҳидов, сардори Раёсати андоз дар вилояти Суғд зимни нишасти матбуотӣ иттилоъ дод.
“Дар тули соли 2024 зимни гузаронидани санҷишҳои сайёр дар 429 субъекти хоҷагидор холатҳои кам нишон додан ва ё пинҳон кардани андоз маълум карда шуда 160,1 млн сомонӣ маблағҳои андоз ошкор карда шуд” – зикр кард, Воҳидов.
Сардори Идораи андоз гуфт, аз ин ҳисоби маблағҳои ошкоршуда беш аз 140 млн сомонӣ ба буҷа ворид карда шудааст.
Инчунин дар ин давра аз ҳисоби бақияпулии санҷишҳои солҳои қаблӣ гузаронидашуда наздики 18 млн сомонӣ ба буҷаи кишвар ворид карда шудааст.
Бино ба гуфтаи масъулини идораи андоз давоми соли 2024 мақомоти ҳифзи ҳуқуқ нисбати 11 нафар андозсупоранда мавод тартиб дода зимни таҳқиқи парвандаҳо 10,9 млн сомонӣ маблағи андоз рӯёнида шудааст.
Бар пояи иттилоъи Абдуқаюм Воҳидов соли 2024 нақша андозҳо дар шаҳру навоҳии Суғд ба пурраги иҷро карда шуда, дар умум беш аз 5712 млн сомонӣ ворид карда шудааст, ки ин рақам нисбат ба соли 2023 776 млн сомонӣ ё худ 15,3 % зиёд гуфта мешавад.