ДУШАНБЕ, 9 янв — Sputnik. Бар асоси гузориши Идораи гумруки Эрон, ин кишвар дар ин 9 моҳ ба кишварҳои узви Иттиҳодияи иқтисодии АвруОсиё 594 ҳазору 491 тонна маҳсулоти кишоварзӣ ба маблағи 467 миллион доллар содир кардааст.
Дар нимаи моҳи декабр вазири савдои ИИАО Андрей Слепнев ба аҳамияти созишномаи тиҷорати озод бо Эрон ишора карда буд.
Слепнев дар мусоҳиба бо нашрияи "Известия" гуфт, ки ИИАО қаблан беш аз 40 дарсади гардиши моли ИИАО ба Иттиҳодияи Аврупо рост меомад.
"Имрӯз ҳиссаи шарикони аврупоӣ тақрибан 2,5 маротиба коҳиш ёфтааст, дар ҳоле ки гардиши мол бо кишварҳои ҷануби ҷаҳонӣ рӯ ба афзоиш дорад. То охири соли 2024 мо интизор дорем, ки онҳо 75 дарсади гардиши тиҷоратии моро ташкил медиҳанд”, - афзуд Слепнев.
Дар авоили моҳи декабр Муҳаммад-Алӣ Деҳғон Деҳнавӣ, раиси Созмони пешбурди тиҷорати Эрон гуфт, ки содироти Эрон ба кишварҳои АвруОсиё аз замони имзои созишномаи тиҷории озод дар чаҳор соли пеш 2,5 баробар афзоиш ёфтааст.
Дар замони маъмурияти раисиҷумҳур Масъуд Пезешкиён, Эрон ба таҳкими равобит бо кишварҳои АвруОсиё барои тавсеаи дастрасӣ ба бозорҳои ҷаҳонӣ таваҷҷӯҳи хоса кардааст.
Ин стратегия боиси афзоиши қобили мулоҳиза шудааст: тибқи маълумоти охирини Хадамоти гумруки Эрон, содирот ба кишварҳои узви Иттиҳодияи иқтисодии АвруОсиё дар панҷ моҳи аввали соли тақвимии Эрон (аз 20 март то 20 август) 16% афзоиш ёфтааст.
Дар ин давра ҳаҷми содирот ба 2,2 миллион тонна расид, ки нисбат ба соли гузашта 35 фоиз зиёд аст.