ДУШАНБЕ, 29 дек — Sputnik. Маскав ба музокирот барои ҳалли вазъ дар атрофи Украина омода аст, аммо онҳо бояд ба рафъи сабабҳои аслии бӯҳрон ва ба инобат гирифтани вазъи воқеии “дар замин” нигаронида шаванд.
Дар ин бора вазири умури хориҷии Русия Сергей Лавров дар мусоҳиба бо РИА "Новости" хабар дод.
"Мо ба музокирот омодаем, аммо онҳо бояд ба рафъи сабабҳои аслии бӯҳрони Украина ва ба инобат гирифтани вазъи воқеии замин равона шаванд", - гуфт Лавров ба агентӣ.
Вай ёдовар шуд, ки бархӯрдҳои Русия дар ҳалли низоъ дар атрофи Украинаро раисиҷумҳури Русия Владимир Путин дар суханронии худ дар Вазорати корҳои хориҷии Русия рӯзи 14 июн ва инчунин дар нишасти матбуотии 19 декабр ба таври возеҳ баён кардааст.
Ба гуфтаи Лавров аз ҷумла сухан дар бораи ғаринизомисозӣ ва нозизудоӣ дар Украина, таъмини мақоми ғайримуттаҳид, бетараф аз силоҳи ҳастаӣ, аз байн бурдани таҳдидҳои дарозмуддат ба амнияти Русия аз ғарб, аз ҷумла густариши НАТО меравад.
Ҳамзамон ба гуфтаи сиёсатмадор таъкид сари уҳдадориҳои мушаххас оид ба таъмини ҳуқуқ, озодӣ ва манфиатҳои шаҳрвандони русзабон ва албатта эътирофи воқеияти ҳудудӣ, ки дар Конститутсияи Федератсияи Русия сабт шудаанд, аст.
Ёдовар мешавем, ки Русия аз 24 феврали соли 2022 дар Украина амалиёти вижаи низомиро анҷом медиҳад. Раисиҷумҳури Русия Владимир Путин вазифаи онро "ҳимояи одамоне номид, ки тӯли 8 сол аз сӯи режими Киев мавриди таҳқир ва наслкушӣ қарор гирифтаанд".
Ба гуфтаи ӯ, ҳадафи ниҳоии амалиёти вижа озодсозии Донбасс ва фароҳам овардани шароитест, ки амнияти худи Русияро кафолат медиҳад.
Кишварҳои ғарбӣ ширкат дар даргириҳо дар Украинаро расман рад мекунанд, аммо ба таъмини нирӯҳои мусаллаҳи Украина силоҳ идома медиҳанд.
Вазири корҳои хориҷии Русия Сергей Лавров қайд кард, ки ҳар боре, ки дорои силоҳ барои Украина аст, ҳадафи қонунии Русия мешавад. Вазорати корҳои хориҷии Русия изҳор дошт, ки кишварҳои НАТО бо интиқоли силоҳ ба Украина “бо оташ бозӣ мекунанд”.