ДУШАНБЕ, 23 дек — Sputnik. Артиши Русия рустои Сторожевои дар ҶМД таҳти назорат гирифтанд, хабар медиҳад вазорати дифои Русия.
"Дар натиҷаи амалҳои қатъии воҳидҳои гурӯҳи низомии "Шарқ" деҳаи Сторожевои Ҷумҳурии Мардумии Донетск озод карда шуд", - гуфта шудааст дар хабар.
Ҳамчунин вазорати дифои Русия ахиран хабар дод, ки ба мавқеъҳои нерӯҳои Украина зарбаҳои шадиди мушакӣ анҷом додааст.
Ба иттилои вазорат, артиши Русия ба зерсохторҳои фурудгоҳҳои низомии Украина ва анборҳои нигаҳдории паҳподҳои ҷангӣ зарба заданд.
“Инфрасохтори фурудгоҳҳои ҳарбӣ, анборҳо барои нигоҳдории ҳавопаймоҳои бесарнишини, инчунин сарбозон ва техникаи низомии душман дар 143 минтақа зери ҳадаф қарор гирифтанд”, - гуфт вазорат.
Зарбаҳоро нерӯҳои ҳавоии Русия, нерӯҳои мушакӣ ва тӯпхонаӣ анҷом доданд.
Инчунин падофанди ҳавоии артиши Русия 14 паҳподи низомиро дар фазо нобуд сохтааст.