ДУШАНБЕ, 9 дек — Sputnik. Президенти Русия Владимир Путин гуфт, кишвар аз ҷасорати сарбозоне, ки дар минтақаи амалиёти вижаи низомӣ меҷанганд, ифтихор мекунад.
"Мо бо ҳар яки ононе, ки ки пеш аз мо зиндагӣ мекарданд ва ҳоло ба сар мебаранд ифтихор мекунем. Мо аз ҷасорати сарбозони мо, ки дар минтақаи амалиёти вижаи низомӣ меҷанганд, ифтихор дорем. Шакке нест, ки мо пирӯз хоҳем шуд", - гуфт Путин дар маросими супурдани медалҳои Қаҳрамонони Русия.
Чорабинии тантанавӣ ба Рӯзи Қаҳрамонони Ватан бахшида шудааст, ки ҳамасола дар кишвар 9 декабр таҷлил мешавад.
Ин маросим рӯзи душанбе дар толори Георгийи Қасри Бузурги Кремл баргузор шуд.
Ба ин чорабинӣ дар Кремл беш аз 300 нафар низомиён ва ғайринизомиён, ки зимни амалиёти вижа мардонагӣ ва қаҳрамонии хоса нишон додаанд, даъват шудаанд.
Дар байни онҳо Қаҳрамонони Иттиҳоди Шӯравӣ, Қаҳрамонони Федератсияи Русия, дорандагони комили ордени Шӯҳрат ва дорандагони ордени Георгийи муқаддас ҳузур доштанд.