ДУШАНБЕ, 29 сент – Sputnik. Артиши Украина давоми як шабонарӯзи гузашта дар самти Курск беш аз 400 низомияшро талаф дод.
Дар ин бора дар гузориши Вазорати мудофиаи Русия аз вазъ дар минтақаи Курск хабар дода, гуфт, ки душман ҳамзамон дар баробари нерӯи зинда даҳҳо техникаро талаф дод.
Ба гузориши ин ниҳод, режими Киев дар тӯли тамоми набардҳо дар ин самт беш аз 18 560 сарбози худро аз даст доданд.
“Дар маҷмӯъ, дар ҷангҳо дар самти Курск душман аллакай беш аз 18 ҳазору 560 нафар низомиён, 133 танк, 64 худрави ҷангии пиёданизом, 97 нафарбари зиреҳпӯш, 850 зиреҳпӯш, 550 автомашина, -ро талаф дод.
Илова бар ин Киев 124 тӯпхона, 32 адад мушакандози чандгона, аз ҷумла ҳашт HIMARS ва 6 MLRS истеҳсоли ИМА ҳашт падофанд, панҷ мошини борбардорӣ, 38 истгоҳи ҷанги электронӣ, нуҳ радари боздоранда, ду радари дифоъи ҳавоӣ, 18 воҳиди муҳандисӣ, ки аз он 11 мошини муҳандисии тозакунии УР-77 ва як минатозакунро аз даст додааст.
“Амалиёти нобудсозии воҳидҳои Нерӯҳои мусаллаҳи Украина идома дорад", - афзуд вазорати дифои Русия.
Ёдовар мешавем, ки иғвои мусаллаҳонаи Киев ва ҳамлаи нерӯҳои мусаллаҳи Украина ба вилояти Курск рӯзи 6 август оғоз шуд. Дар ин минтақа режими фавқулоддаи федералӣ амал мекунад ва борҳо таҳдиди мушакӣ эълом шудааст. Зиёда аз сад ҳазор сокинон ба ҷои амн тахлия шуда, барои онҳо дар дигар минтақаҳо марказҳои ҷойи иқомати муваққатӣ боз шудааст.
Чанде пеш Владимир Путин дар Форуми иқтисодии Шарқӣ таъкид кард ки Киев бо ҳамла ба вилояти Курск мехост, ҳамлаи Русия дар Донбассро рафъ кунад, аммо ҳеҷ коре аз дасташ наомад, гуфт президенти Русия Владимир Путин.
"Ҳадафи душман ин буд, ки моро асабонӣ, ба шӯр андозад ва нерӯҳоямонро аз як минтақа ба минтақаи дигар интиқол диҳем ва бо ҳамин тартиб ҳамлаи моро дар самтҳои калидӣ, пеш аз ҳама дар Донбасс боздоранд. Озодсозии Донбасс ҳадафи аввалиндараҷаи мост", - гуфт Путин.
Президенти Русия Владимир Путин илова кард, ки, душман мавқеъҳои худро дар самтҳои муҳим дар минтақаи амалиёти вижаи низомӣ заиф кардааст.