ДУШАНБЕ, 18 сен — Sputnik. Муовини вазири рушди иқтисоди Русия Дмитрий Волвач зимни ифтитоҳи Форуми VII байналмилалии ИИАО, ки дар Мактаби олии иқтисод Донишгоҳи миллии тадқиқотӣ баргузор шуд, қайд кард, ки имрӯз ИИАО дар арафаи гузаштан ба марҳилаи нави ҳамкориҳои ҳамгироӣ, ки ба боварии шарикон ва ҳадафҳои дарозмуддати рушди муштарак асос ёфтааст, қарор дорад
Оқои Волвач қайд кард, ки дар соли 2023 афзоиши ММД 3,8 фоизро ташкил дод, ки ин аз ММД-и ҷаҳонӣ зиёдтар аст.
“Дар тӯли 10 соли мавҷудияти ИИАО гардиши мутақобилаи кишварҳои узв тақрибан ду баробар афзоиш ёфтааст - аз 3,9 то 7,4 триллион рубл. Дар ин муддат ҳаҷми бекорӣ бештар аз 1,5 баробар кам карда шуд”, - қайд кард муовини вазир.
Вай илова кард, ки ҳиссаи асъорҳои миллӣ дар ҳисоббаробаркуниҳои мутақобила байни кишварҳои ИИАО дар соли 2023 ба рекорди 90% расид, дар ҳоле ки дар соли 2021 он 73,5% буд.
Форуми байналмилалии ИИАО ҳамасола мутахассисони ҷавонеро гирди ҳам меорад, ки ба баррасии тамоюл ва дурнамои рушди ҳамгироии иқтисодии АвруОсиё таваҷҷӯҳ доранд.
Аз соли 2015 инҷониб дар форумҳо беш аз 600 нафар аз 20 кишвари ҷаҳон, аз ҷумла на танҳо кишварҳои ИИАО, балки кишварҳои Африқо, Осиёи Ҷанубу Шарқӣ ва Амрикои Лотинӣ ширкат варзиданд.