ДУШАНБЕ, 14 сен — Sputnik. ФСБ бо истинод ба санадҳои дарёфтӣ хабар дод, ки яке аз воҳидҳои вазорати умури хориҷии Бритониё пас аз оғози амалиёти вижаи низомӣ ба як хадамоти вижае табдил ёфтааст, ки талош дорад шикасти стратегии Русияро ҳамоҳанг созад.
"Дар Бритониё воҳиди асосии сиёсати тахрибкорӣ дар самти Русия ҳамоҳанг мекунад (ва дар кишварҳое, ки қаблан дар ҳайати Иттиҳоди Шӯравӣ буданд) Раёсати Аврупои Шарқӣ ва Осиёи Марказии Вазорати корҳои хориҷии Британия мебошад. Ин ниҳод пас аз Оғози амалиёти вижаи низомӣ дар Украина ба як хидамоти махсус, ки вазифаи асосиаш расонидани зарари стратегӣ ба кишвари мост, табдил ёфтааст", - қайд кардааст ФСБ.
Дар навбати худ, вазорати корҳои хориҷӣ аккредитатсияи шаш корманди шӯъбаи сиёсии сафорати Бритониёро, ки тавассути раёсати мазкур ба Маскав фиристода шуда буданд, қатъ кард.
Дар кирдорҳои онҳо аломатҳои истихборотӣ ва кори тахрибкорӣ ошкор шуд.
ФСБ таъкид кардааст, ки онҳо хостори қатъи пеш аз мӯҳлат сафари он дипломатҳои бритониёӣ мешаванд, ки дар фаъолиятҳои онҳо низ рафтори шабеҳ дида хоҳад шуд.
Русия аккредитатсия кадом дипломатҳоро қатъ кард.
Шабакаи телевизионии "Россия 24" номи дипломатҳоеро ки аккредитатсияашон қатъ шудааст, расонаӣ кард:
1.
Джессика Девенпорт;2.
Каллум Эндрю Дафф;3.
Грейс Элвин;4.
Кэтрин Макдонелл;5.
Блэйк Пател;6.
Томас Ҷон Ҳиксон Стивинет.Тавре як корманди ФСБ ба телевизион гуфт, ин дипломатҳо, бахусус, дар ҷаласаҳои созмонҳои ғайридавлатӣ – агентҳои хориҷӣ ширкат мекарданд, ки аксар вақт саломатии худро зери хатар мегузоштанд.
"Ростӣ, мо аз таҳаммул кардани ин сирк дар шакли давидан дар кӯчаву хиёбонҳо зери борон дар тамоми Маскав ва боғҳову ҷангал, боздидҳои якрӯза ба шаҳрҳои наздики Маскав барои чанд соат дар сармои шадид нишастан дар курсӣ ё чанд маротиба иваз кардани нақлиёти ҷамъиятӣ ва таксиҳо бо мақсади пинҳон шудан аз мақомоти амниятӣ ва иштирок дар чанд ҷамъомади созмонҳои ғайридавлатӣ – агентҳои хориҷӣ, ки ба ҳимоят аз манфиатҳои муҳоҷирон машғуланд, хаста шудем”, - гуфт ӯ.
Вай қайд кард, ки Лондон бо ниқоби дипломатҳо ба Русия афсарони иктишофиро мефиристад ва кӯдакони хурдсолро ҳамчун пушиш истифода мебарад.
Ба гуфтаи корманди ФСБ, сохтори нави вазорати хориҷа ба як маркази ноором кардани вазъ дар ҷаҳон табдил ёфтааст, ки тамоми бозигарони пешрафтаи ҷаҳонро ба як низоъи ҷаҳонӣ мекашад.
Ин бори аввал нест, ки ФСБ далелҳои фаъолияти иктишофӣ ва тахрибкоронаи Бритониёро дар Русия ошкор мекунад. Ҳамин тариқ, дар моҳи феврал хадамоти иктишофӣ муайян кард, ки Шӯрои Бритониё ба иктишофии режими Киев дар вилояти Херсон машғул аст. Аз ҷумла, гурезаҳои украинии муқими Бритониё ба ин ҳадаф истифода мешуданд.
ФСБ таъкид кардааст, ки Шӯрои Бритониё расман ҳадафи худро рушди ҳамкориҳои Бритониё ва дигар кишварҳо дар соҳаи маориф, фарҳанг ва санъат номидааст, аммо дар асл ин танҳо як пардаи хадамоти иктишофии Бритониё аст.