ДУШАНБЕ, 12 авг — Sputnik. Русия омода аст, ки дар якҷоягӣ бо шарикони хориҷӣ системаи амнияти тақсимнашавандаи баробарро дар ҷаҳон таҳия намояд.
Ин нуктаро раисҷумҳури Русия, Владимир Путин дар паёми худ ба иштирокчиёни форуми "Армия-2024" баён дошта, афзуд, ки таваҷҷуҳи шариконро ба саноати дифои ватанӣ қадр мекунад.
Ӯ қайд намуд, ки форум шавқу ҳаваси мутахассисони бисёр мамлакатҳои ҷаҳонро ба худ чалб мекунад.
"Мо чунин таваҷҷуҳро қадр ва дастгирӣ мекунем, шарикии худро эҳтиром мекунем ва омодаем, ки онҳоро инкишоф диҳем, барои эҷоди амнияти баробар, тақсимнашаванда ва бунёди ҷаҳони нав, одилона ва бисёрқутбӣ якҷоя кор кунем. Мо мебинем, ки талошҳои мо барои ҳамкории созанда талабот дорад ва посухи самимӣ ва вокуниши воқеӣ дарёфт мекунад", - гуфт Путин.
Раисиҷумҳури Русия қайд кард, ки даҳҳо кишвар ба ин ҳамоиш ҳайатҳои намояндагӣ фиристодаанд, беш аз 120 ширкат иштироки худро эълон кардаанд ва дар майдони "Артиш-2024" чандин намоишгоҳҳои хориҷӣ ҷойгир хоҳанд шуд.
"Чунин фарогирии васеъ, воқеан байналмилалӣ, кушодагии мутақобилан барои муколама, барномаи ғании ҳамкорӣ аз беҳтарин анъанаҳои ин форум мебошанд", - таъкид кард Путин.
Вай изҳор дошт, ки бисёр ноу-хауҳои русиягӣ алакай самаранокии худро дар майдони ҷанг исбот кардаанд, дар ҳоле ки кори ихтироъкорон бо назардошти таҷрибаи ҷангӣ идома дорад.