ДУШАНБЕ, 7 август — Sputnik. Дар тамоми кишварҳои узви Иттиҳодияи иқтисодии АвруОсиё, ба истиснои Арманистон, истеҳсоли шир афзоиш ёфтааст, хабар медиҳад дафтари матбуоти Комиссияи иқтисодии АвруОсиё.
Департаменти омори ин Комиссия маълумотро барои моҳҳои январ - июни соли ҷорӣ ва муқоиса бо ҳамин давраи соли 2023 нашр кард.
Тавлиди умумии шир 24132,9 хазор тоннаро ташкил дода, 2,4% афзоиш ёфтааст.
Тавлидот дар кишварҳои ИИАО:
Арманистон – 332 ҳазор тонна (-3,6%);
Белорус – 4410,2 ҳазор тонна (+7%);
Қазоқистон – 1726,8 ҳазор тонна (+4,3%);
Қирғизистон – 838,8 ҳазор тонна (+2,7%);
Русия – 16825,1 ҳазор тонна (+1,1%).
Дар моҳҳои январ-июни соли 2024 истеҳсоли маҳсулоти кишоварзӣ дар кишварҳои ИИАО нисбат ба ҳамин давраи соли гузашта 2% афзуд. Комиссия илова кардааст, ки афзоиш дар ҳамаи кишварҳои узви иттиҳод мушоҳида шудааст.