ДУШАНБЕ, 17 июл — Sputnik. Касри тавозуни савдои хориҷии Тоҷикистон дар моҳҳои январ – июни соли равон 2 миллиарду 425 миллион долларро ташкил додааст, хабар додааст Хадамоти гумруки кишвар.
“Тавозуни савдои хориҷӣ дар шаш моҳи соли ҷорӣ 2 миллиарду 425 миллион долларро ташкил дод. Дар ҳамин ҳол, дар ҳамин давраи соли гузашта касри гардиши мол 2 миллиарду 60 миллион долларро ташкил дода буд. Табодули коло дар моҳҳои январ-июни соли равон қариб 4,42 миллиард долларро ташкил дод”, - омадааст дар хабар.
Содироти маҳсулот аз Тоҷикистон дар нимсолаи аввали соли равон нисбат ба ҳамин давраи соли гузашта 53% афзоиш ёфта, ҳудуди 996,2 миллион долларро ташкил додааст.
Касри тавозуни савдои Тоҷикистон чӣ гуна тағйир ёфт?
© Sputnik
Воридоти мол ба кишвар беш аз 3,42 миллиард долларро ташкил дода, нисбат ба моҳҳои январ-июни соли гузашта 26% афзоиш ёфтааст.
Ҳиссаи содирот дар ҳаҷми умумии гардиши савдои хориҷии ҷумҳурӣ аз 19% дар нимсолаи аввали соли 2023 то 23% дар моҳҳои январ-июни соли 2024 афзоиш ёфт.
Ҳиссаи воридот дар хаҷми умумии муомилоти савдои хориҷии ҷумҳурӣ мувофикан аз 88% ба 77% коҳиш ёфт.