ДУШАНБЕ, 2 июн — Sputnik. Раиси палатаи болоии парлумони Тоҷикистон Рустами Эмомалӣ ба шаҳри Алмаатои Қазоқистон рафт.
Дар ин бора дафтари матбуоти ин ниҳод хабар дод.
Ҳадаф аз сафари Рустами Эмомалӣ ба Қазоқистон ин иштирок дар ҷаласаи навбатии Шӯрои Ассамблеяи парлумонии Созмони Паймони Амнияти Дастаҷамъӣ мебошад.
Манбаъ афзуд, дар ин сафар раиси палатаи болоии парлумони кишварро раисони кумитаҳои Маҷлиси миллии Маҷлиси Олии Ҷумҳурии Тоҷикистон, роҳбари Дастгоҳи Маҷлиси миллии Маҷлиси Олии Ҷумҳурии Тоҷикистон ва дигар шахсони расмӣ ҳамроҳӣ мекунанд.
Ба рӯзномаи ҷаласа мутобиқсозии қонунгузорӣ ва дигар масъалаҳо шомиланд, таъкид кард хадамоти матбуоти.
Қаблан Андрей Белоусов, раиси вазорати дифои Русия, самтҳои калидии кори СПАД-ро мушаххас карда буд. Дар байни вазифаҳои калидӣ ӯ, аз ҷумла, корҳоро барои такмил додани системаи вокуниш ба бӯҳрони Созмон номбар кард.