ДУШАНБЕ, 9 МАЙ — Sputnik. Иттиҳоди иқтисодии АвруОсиё (ИИАО) дар маҷмӯъ ба таъмини рушди устувори иқтисодии минтақаи мусоидат мекунад.
Дар ин бора Владимир Путин, раисиҷумҳури Русия, зимни суханронӣ дар ифтитоҳи нишасти сарони ИИАО дар Маскав изҳор дошт.
"Ман ва ҳамкоронам дар бораи нишондиҳандаҳои хеле хуби рушди иқтисодиётро қайд кардем, воқеан, ин ба таъмини рушди устувори иқтисодии панҷ кишвар ва ҳам дар маҷмӯъ минтақаи АвруОсиё мусоидат намуда, боиси болоравии сифати он, ҳаёт ва некӯаҳволии шаҳрвандон мегардад”, - гуфт Путин.
Вай қайд кард, ки тамоюли мусбати макроиқтисодии ИИАО дар соли ҷорӣ идома дорад.
Ҳамин тариқ, маҷмӯи маҳсулоти дохилии кишварҳои узви иттиҳод дар тӯли даҳ сол аз 1,6 то 2,5 трлн доллар афзоиш ёфт, таъкид кард раҳбари Русия.
"Нишондиҳандаҳои иқтисодӣ аз он шаҳодат медиҳанд", - гуфт Путин.
Илова бар ин, гардиши мол бо кишварҳои сеюм 60% - аз 579 то 923 млрд доллар афзоиш ёфтааст.
Путин қайд кард, ки Иттиҳоди иқтисодии АвруОсиё худро яке аз марказҳои ҷаҳони бисёрқутбӣ, ки дар ҳоли рушд аст нишон додааст.
"Иттиҳоди АвруОсиё имрӯз сохтори муассири ҳамгироӣ мебошад, ки фаъолияти он ба афзоиши табодули тиҷорат ва сармоягузорӣ, фаъол шудани равобити тиҷорӣ ва тавсеаи равобити ҳамкорӣ мусоидат мекунад", - афзуд президенти Русия.
Дар Маскав нишасти Иттиҳоди иқтисодии Авруосиё баргузор гардид.
Чорабинӣ ба 10-умин солгарди имзои Шартнома дар бораи таъсиси ИИАО бахшида шуда буд.
Иттиходия яке аз бузургтарин иттиходияҳои иқтисодӣ мебошад, ки дар он молҳо, хизматрасониҳо, сармоя ва қувваи корӣ озодона ҳаракат мекунанд.
Ҳоло ба ин созмон Русия, Арманистон, Белорус, Қазоқистон ва Қирғизистон шомиланд.