ДУШАНБЕ, 8 май — Sputnik. Раҳбари гурӯҳи ҷустуҷӯии "Хотира-201", муаррихи низомии Тоҷикистон Ғафур Шерматов бо ҷоизаи давлатии Русия сарфароз гардид.
Ордени Дӯстиро ба ӯ сафири Русия дар Тоҷикистон Семён Григорев дар маросими тантанавӣ ба муносибати Рӯзи Ғалаба супурд.
Ба гуфтаи сафири Русия, Шерматов барои ҳифзи хотираи муштараки таърихӣ ҳама корҳоро мекунад.
Вай изҳор дошт, ки муаррих ба ҳифзи ёдгориҳои меъмории Душанбе ва дигар шаҳрҳои ҷумҳурӣ машғул буда, ҳамзамон дар бораи дивизияҳои аз ҳисоби тоҷикон ташкилшуда, ки дар Ҷанги Бузурги Ватанӣ ҷангидаанд, китобҳо менависад.
Қарори бо ордени Дӯстӣ мукофотонидани Шерматовро раисиҷумҳури Русия Владимир Путин имзо кардааст.
Муаррих бо дарёфти ҷоиза қайд кард, ки ордени "Дӯстӣ" хизмати гурӯҳи ҷустуҷӯии "Хотира-201", Сафорати Русия дар Тоҷикистон, дастаи низомии пойгоҳи низомии 201-уми Русия дар ҷумҳурӣ, донишҷӯён, мактаббачагон, интернатсионалистон аст.
Ба ӯ шаҳрвандони ғамхор, ки ҳамеша дар чорабиниҳои бахшида ба Ғалабаи бузург ва хотираи шаҳр иштирок доштанд, кӯмак мекунанд.
Ордени "Дӯстии Русия" барои саҳми бузург дар таҳкими дӯстӣ ва ҳамкории байни халқҳо, таҳкими сулҳ ва муносибатҳои дӯстонаи байни давлатҳо дода мешавад.
Ғафур Шерматов - номзади илмҳои таърих, раҳбари гурӯҳи ҷустуҷӯии ёдбудии "Памят-201" ё худ "Хотира - 201" мебошад, ки дар назди пойгоҳи низомии 201-уми Русия дар Тоҷикистон фаъолият дорад.