ДУШАНБЕ, 17 апр — Sputnik. Иттиҳоди иқтисодии АвруОсиё дар ҷалби Озарбойҷон ба ҳамкорӣ, аз ҷумла дар бахши ҳамлу нақл манфиатдор аст.
Дастрасии Озарбойҷон ба баҳри Каспий ва инфрасохтори бандарии он ба суди ИИАО арзёбӣ мешавад, гуфт сиёсатшиноси рус Милан Лазович
"Дар баробари ин, Озарбойҷон ва кишварҳои ИИАО метавонанд аз эҷоди як долони Шимолу Ҷануб бо назорати гумрукӣ дар сарҳад бо ҳамсояҳое монанди Эрон ва Туркия фоидаи назаррас ба даст оранд", - афзуд ӯ.
Қаблан Комисияи иқтисодии АвруОсиё аз кӯшишҳои давлатҳои узви иттиҳод дар рушди инфрасохтори байналмилалии нақлиётӣ ва содагардонии расмиёти убури сарҳадӣ тавсиф карда, афзуд, ки гуфтушунид бо кишварҳои дигар низ барои татбиқи тарҳҳои инфрасохторӣ дар ҷараёнанд.
Дар шароити баргардонидани гардиши бор ба самти Шарқ ва Осиё долонҳои классикии "Шимол - Ҷануб", "Аврупо - Чини ғарбӣ", "Роҳи нави абрешим", Роҳи байналмилалии нақлиётии фарокаспий, ТРАСЕКА нафаси нав мегиранд, изҳор дошта буданд дар КИАО.
Дар доираи ин иттиҳод ҳамгироӣ ҳадафи асосӣ арзёбӣ гардида, озодии интиқоли мол, хизматрасонӣ, сармоя, қувваи корӣ, сиёсати ҳамоҳангшуда ва сиёсати ягонаи иқтисодӣ таъмин карда мешавад. Феълан узви иттиҳод Арманистон, Белорус, Қазоқистон, Қирғизистон, Русия мебошанд.