ДУШАНБЕ, 10 мар — Sputnik. Ҳуҷҷатҳои зарурӣ барои ташаккули бозорҳои умумии газ, нафт ва маҳсулоти нафтии ИИАО аз ҷониби иштирокчиёни ҷаласаи 20-уми Кумитаи машваратӣ баррасӣ шуданд.
Ҳамоиш таҳти раёсати мудири бахшши энержии Комиссияи иқтисодии АвруОсиё, Вадим Закревский, баргузор гардид.
Закревский сатҳи баланди афзалиятнокиро барои ҳарчи зудтар анҷом додани корҳо оид ба маҷмӯи ҳуҷҷатҳои танзимкунандаи бозорҳои умумии энергетикӣ қайд кард.
"Бо дарназардошти аҳамияти стратегии масъала, кӯшишҳои худро ҷиҳати таъмини иҷрои саривақтии қарорҳои сарони давлатҳоямон ва ноил шудан ба ҳадафҳои ҳамгироии энергетикӣ то соли 2025 ҳамоҳанг кардан зарур аст", - таъкид кард ӯ.
Зимни вохӯрӣ оид ба ихтилофот оид ба ташаккули бозорҳои умумии газ, нафт ва маҳсулоти нафтии ИИАО, инчунин масъалаҳои амнияти энергетикӣ табодули афкори судманд сурат гирифт, афзуд КИАО.
Иштирокчиёни вохӯрӣ аҳамияти қабули зудтари қарорҳоро дар сатҳи баланд қайд карда, аҳд намуданд, ки машваратҳоро дар сатҳи мақомоти ваколатдори энергетикӣ баррасӣ хоҳанд кард.
Маврид ба зикр аст, ки дар баробари нафту газ дар бахши энергетика кишварҳои узви Иттиҳодияи иқтисодии АвруОсиё – Русия, Қазоқистон, Қирғизистон ва Арманистон – 1313,7 млрд кВт.соат нерӯи барқ тавлид кардаанд.