Людмила Павличенко. Снайпер, қаҳрамони набардҳо барои озодии Севастопол ва Одесса, ки шахсан президенти вақти ИМА, Франклин Рузвелт ӯро ба иёлот даъват карду вай дар Чикаго бо мардуми Амрико сӯҳбат дошт.
Валентина Терешкова. Аввалин зани кайҳоннаварди ҷаҳон, қаҳрамони иттиҳоди шӯравӣ, номзади фанҳои техникӣ, профессор ва 10-умин кайҳоннаварди ҷаҳон. Ӯ ҳангоми тамрин дар киштии кайҳони "Восток".
Кэтрин Швитсер. Дар синни 20-солагӣ, апрели соли 1967 аввалин аз миёни занон шуд, ки марафони Бостонро давид. Масъулини мусобиқа хостанд, ӯро канор ронанд, аммо яке аз иштирокдорон ба ҳимояаш онҳоро тела дод.
Ҷунко Табей. Аввалин занест, ки қуллаи Ҷамолунгмаро моҳи майи соли 1975 фартҳ карду бо ордени подшоҳи Непал мукофотонида шуд.
Ҳеди Ламарр. Вай дар солҳои 1930 - 1940 як ҳунарпешаҳои маъруфи австриягӣ ва сипас амрикоӣ буд. Аммо ба таври ғайричашмдошт ба роҳҳои нави рамзгузории сигналҳо шавқ пайдо кард, ки ихтирооти Ҳеди асоси технологияҳои Wi-Fi ва Bluetooth-ро ташкил медиҳанд.
Надя Команечи, гимнасткаи маъруфи маҷористонист, ки нахустин бор дар риштаи брусҳо 10 хол гирифт, ки дар табло 1 хол пайдо шуду хашми тамошобинонро ба вуҷуд овард. Доварон иштибоҳро фаҳмонданд.
Берта фон Саттнер. Соли 1889 китоби "Нест бод яроқ!"-ро нашр кард, ки дар он дар бораи ҳаёти як зани ҷавон, ки сарнавишти ӯ дар набардҳои аврупоии солҳои 60-уми асри 19 талх шуда буд, нақл мекунад. Худи Нобел китобро хонда, бо Берта тамос гирифт ва ба ӯ ваъда дод, ки ҷоизаи сулҳ таъсис медиҳад. Маҳз Берта аввалин лауреати ин номинатсия ва дуюмин зан дар таърих гардид, ки чунин мукофоти олиро гирифт.
Эйлин Чанг, яке аз маъруфтарин адибони чинӣ ба шумор меравад, ки ҳаёти солҳои 40-уми асри 20 дар Шанхай ва Ҳонгконгро тасвир кардааст.
Мария Склодовская-Кюри. Физик ва кимиёдони бузург, ягона занест, ки ду маротиба (барои кашфи радиоактивӣ ва кашфи элементҳои полоний ва радий) ҷоизаи Нобелро гирифт.
Коко Шанел. Вай ба мӯди байналмилалии асри 20, инчунин дар эътирофи мӯд ҳамчун падидаи марказии аср таъсири назаррас дошт. Акс соли 1944 дар Порис гирифта шудаст.