ДУШАНБЕ, 20 янв — Sputnik. Афсари бознишастаи Нерӯҳои баҳрии Амрико ва таҳлилгари низомӣ Скотт Риттер изҳори итминон кард, ки амалиёти вижаи низомӣ дар соли 2024 бо пирӯзии Русия ба поён мерасад.
Вай дар ин бора дар як нишасти матбуотӣ дар маркази матбуоти байналмилалии чандрасонаии гурӯҳи расонаҳои "Россия сегодня" изҳор дошт.
Ба гуфтаи вай, низоъ "бо пирӯзии Русия анҷом мешавад".
"Шароит барои ғалаба фароҳам мешавад, ман боварӣ дорам, ки ин имсол рӯй хоҳад дод",- мегӯяд Риттер.
Таҳлилгар таъкид кард, ки пирӯзии Русияро "ҷасорати сарбозони рус, ки ҳамлаҳои нерӯҳои Украинаро дар ҷараёни ҳамлаи ҷавобӣ дафъ карданд" таъмин мекунад.
Риттер шубҳа надорад, ки "Украина аллакай мағлуб шудааст" ва қайд кард, ки ин танҳо муноқиша байни Русия ва Украина нест.
Ҳамчунин, афсари собиқи истихбороти ИМА қайд кард, ки Ғарб Украинаро барои заиф кардани Русия истифода мебарад, аммо Киев "захираҳои низомии худро сӯзонда, рӯз то рӯз заифтар мешавад" ва комплекси ҳарбӣ-саноатии Русия, баръакс, рушд кардаистодааст.
Ӯ таъкид кард, ки кӯмаки низомии Ғарб ба Украина раванди ҷангро дар ҷабҳа тағйир дода наметавонад.
"Фикр мекунам, ки Зеленский ҳоло дар вазъияти ногуворе қарор дорад. Вай дар ҳоле, ки сатҳи ноумедияш боло меравад, ҳарчи бештар гапҳои бемаънӣ хоҳад гуфт. Аммо ба фикр ман дар гумон аст, ки Ғарб ба Украина ягон фанноварие диҳад, ки тавозуни қудратро тағйир диҳад",- гуфт номбурда.
Вай афзуд, ки онҳо аллакай "ба Украина бисёр силоҳҳои пешрафта, HHIMARS, SCALP, Storm Shadow-ро интиқол додаанд. Сарбозони рус кушта шуданд, аммо ин натиҷаи муқовиматро тағир надод.
Ёдовар мешавем, ки Русия сар аз 24 феврали соли 2022 дар Украина амалиёти вижаи низомиро анҷом медиҳад.
Раисиҷумҳури Русия Владимир Путин ҳадафи онро "ҳимояи одамоне номид, ки тӯли 8 сол аз сӯи режими Киев мавриди таҳқир ва наслкушӣ қарор гирифтаанд".
Ба гуфтаи ӯ, ҳадафи ниҳоииамалиёти вижа озодсозии Донбасс ва фароҳам овардани шароитест, ки амнияти худи Русияро кафолат медиҳад.
Кишварҳои ғарбӣ ширкат дар даргириҳо дар Украинаро расман рад мекунанд, аммо ба таъмини силоҳ ба нирӯҳои мусаллаҳи Украина идома медиҳанд.
Вазири корҳои хориҷии Русия Сергей Лавров қайд кард, ки ҳар боре, ки дорои силоҳ барои Украина аст, ҳадафи қонунии Русия мешавад. Вазорати корҳои хориҷии Русия изҳор дошт, ки кишварҳои НАТО бо интиқоли силоҳ ба Украина “бо оташ бозӣ мекунанд”.
Дар ҳамин ҳол, Маскав борҳо омодагии худро барои оғози баҳс дар бораи ҳалли низоъ изҳор доштааст, аммо Киев барои музокирот дар сатҳи қонунгузорӣ мамнӯъият эълон кардааст.
Дар авоили моҳи июн Нерӯҳои мусаллаҳи Украина дар самтҳои Запороже, Южнодонетск ва Артёмовск амалиёти ҷавобиро оғоз карда, гуруҳҳои ҷангие, ки НАТО тамрин доду бо таҷҳизоти ғарбӣ мусаллаҳ кард, ба ин минтақа партоб карданд. Аммо украинҳо дар ягон қисми ҷабҳа муваффақият ба даст наоварда, талафоти калон доданд.
Тавре Путин дар Форуми "Валдай" дар авоили моҳи октябр гуфта буд, дар натиҷаи ҳамлаи ҷавобӣ Киев беш аз 90 ҳазор низомии худро аз даст дод.