ДУШАНБЕ, 21 дек — Sputnik. Маҷмуъи маҳсулоти дохилӣ (ММД) дар Иттиҳоди иқтисодии АвруОсиё (ИИАО) дар соли 2023 афзоиш ёфтааст.
Дар ин бора дафтари матбуоти Комиссияи иқтисодии АвруОсиё хабар додааст.
Ҳамин тариқ, тибқи ҳисобҳои пешакӣ, ММД 1,7 триллион долларро ташкил дод (103,1 фоиз нисбат ба сатҳи моҳҳои январ-сентябри соли 2022). Ғайр аз ин маблаггузорй ба фондҳои асосӣ 10,3 фоиз афзуд.
Инчунин дар кишварҳои иттиҳод аз моҳи январ то октябри соли 2023 афзоиши истеҳсоли маҳсулоти саноатӣ 3,7 фоиз, ҳаҷми корҳои сохтмонӣ 8,7 фоиз ва гардиши савдои чакана 5,7 фоиз зиёд шуд.
Муомилоти бор дар ин давра дар Қирғизистон (8,0%) ва Қазоқистон (3,1%), муомилоти мусофирон дар Арманистон (77,2%), Русия (12,9%), Қазоқистон (11,5%), Беларус (9,1%) ва Киргизистон (7,7 %) афзуд.
Ёдовар мешавем, ки ахиран тибқи омори Иттиҳодияи иқтисодии АвруОсёи шумори бекорон дар қаламрави кишварҳои ИИАО 11,9% коҳиш ёфтааст.
Илова бар ин, маълумот дар бораи шумораи шаҳрвандони маъюб дар кишварҳои узви иттиҳодия маълум шуд. Ҳамин тариқ, тибқи ҳисобҳои таҳлилгарон, дар кишварҳои ИИАО тақрибан 41,4 млн нафақахӯр мавҷуд аст.