ДУШАНБЕ, 20 дек — Sputnik. Тибқи иттилои Комиссияи иқтисодии АвруОсиё шумораи аҳолӣ дар қаламрави кишварҳои узви Иттиҳодияи иқтисодии АвруОсиё дар аввали соли 2023 185,4 миллион нафарро ташкил додааст.
Ба иттилои манбаъ, аз ин шумор 41,4 миллион нафар аз синни қобили меҳнат (22,3 фоиз) боло мебошанд.
Маблағи нафақа дар соли 2022 аз 96 доллар (8114 сӯм) дар Қирғизистон то 264 доллар (17825 рубл) дар Русия сабт шудааст.
Ба ҳисоби миёна дар кишварҳои узви ИИАО ба ҳар 100 нафар аҳолии қобили меҳнат 23 нафақахӯр (8 мард ва 15 зан) рост меояд.
Синну соли нафақа дар кишварҳои Иттиҳодияи иқтисодии АвруОсиё фарқ мекунад: барои мардон аз 61,5-сола дар Русия то 63-сола дар Арманистон, Белорус, Қазоқистон ва Қирғизистон, барои занон аз 56,5-сола дар Русия ва Арманистон то 63-солагӣ.
ИИАО як иттиҳодияи иқтисодии байналмилалии ҳамгироӣ мебошад, ки дар заминаи Иттиҳоди гумрукӣ ва Фазои ягонаи иқтисодӣ таъсис ёфта, аз 1 январи соли 2015 фаъолият мекунад.
Дар ҳоли ҳозир Русия, Арманистон, Беларус, Қозоқистон ва Қирғизистон аъзои он ҳастанд.