Дар маркази Маскав мавсими нави яхмолакбозӣ, ки пеш аз оғози Соли нав анъана шудааст, кушода шуд.
Ба ин макон ҳама метавонанд, ташриф оваранд ва меҳмонони майдони яхмолакбозии ГУМ-ро машғулиятҳои ройгон аз устодон ва ситораҳои варзиши Русия интизор аст.
Ҳар рӯзи шанбе дар ин макон таҳти роҳбарии мураббиёни мактаби хоккейи бачагонаи "Красная машина" шумо метавонед хоккейбозиро ёд гиред ё донишу маҳорати худро такмил диҳед.
Рӯзҳои якшанбе дӯстдорони яхмолак бо роҳнамоии мураббиёни мактаби Анастасия Гребенкина маҳорати конкибозии худро сайқал дода, унсурҳои оддиро иҷро мекунанд: гардиш, давидан, чархзанӣ.
Гуфта мешавад, ки дар барномаи мавсими имсола 12 машғулияти рақсии яхмолакбозӣ аз қаҳрамони олимпӣ Алина Загитова, ки аз 10 декабр то 25 феврал баргузор мешаванд, иборат аст.
Майдони яхмолакбозии ГУМ ҳар рӯз аз соати 09:00 то 23:30 кушода аст. Давомнокии ҳар як намоиш як соат аст.
Sputnik – шарики иттилоотии майдони яхмолакбозии ГУМ мебошад