ДУШАНБЕ, 26 окт — Sputnik. Дастаи “Равшан” имкон дорад, пешсафи гуруҳи “Е” дар марҳилаи гуруҳии Ҷоми КФО-2023/24 гардад.
Ин даста таҳти сарварии сармураббӣ Тоҳирҷон Муминов шоми 26 октябр дар варзишгоҳи марказии Ҳисор бо пешсафи кунунии гурӯҳ дастаи "Абдиш-Ата"-и Қирғизистон бозӣ мекунад.
Дар ҷаласае, ки рӯзи 25 октябр дар меҳмонхонаи "Атлас"-и Душанбе баргузор гардид, масъалаҳои ташкилии вохӯрӣ муҳокима шуд. Ҳамчунин ранги либоси дастаҳо низ тасдиқ гардид.
"Равшан" бо либоси сурх, "Абдиш-Ата" бо либоси сабз ба майдон мебароянд.
Айни замон дар гурӯҳи “Е” дастаи “Абдиш-Ата” бо 4 имтиёз мақоми аввалро касб кардааст. “Равшан” ва “Марв”- Туркманистон 2 имтиёзӣ доранд ва мутаносибан зинаҳои дуюм ва сеюмро ишғол кардаанд. “Олтин Асир”- Туркманистон бо як имтиёз дар зинаи охир маскан гирифтааст.
Ёдовар мешавем, ки дастаи "Равшан" дар марҳилаи якуми гурӯҳии Ҷоми КФО -2023/24 бозиаш бо "Марв"-и Туркманистон дар Варзишгоҳи марказии шаҳри Ҳисор бо ҳисоби 0:0 ва бозии дуюмро дар меҳмонӣ бо "Олтин Асир"-и Туркманистон бо ҳисоби 1:1 ба поён расонда буд.